pengertian puisi dalam bahasa madura

pengertian puisi dalam bahasa madura | Pengertian epon Puisi Bhasa Madhura

Oca\’ puisi paněka asalla dåri bhâsa Yunani èngghi panèka oca\’ poiesis artèna abhådhi. Artè abâdhi paněka aghândhu\’ maksot orèng ngangghit puisi èstona abâdhi ghâmbhârân essèna atèna. Pokeddha, puisi èngghi panèka ghambhârân èssèna atè sareng pekkèranna orèng sè ngangghit puisi abujut ca-oca\’ sè saè: Eyangghep sae polana aghândhu\’ ghuru laghu sareng aghândhu artè sè bânnya\’.  Pokeddhân puisi paněka ta\’ langgheng, namong abâ-obâ noro\’ obâna sareng macemma puisi.

Manabi orèng abâdhi puisi paneka ta\’ èjhârbã\’aghi lanjhâng lèbår akadhiyâ orèng abâdhi ghâncaran. Ponapaa bisaos sè ejhârba\’âghiyâ ènyarèyaghi ca-oca\’ sè rèngkes namong bânnyá\’ parkara sè bisa èjhårbá aghi. Kaangguy parkara panèka éghuna\’aghi oca\’ kèyasan sareng parlambhâng.

  Cara Mengidentifikasi Unsur Ekstrinsik Cerita Topeng Dhalang

 Keyasan panèka artèna nyambhât sèttong parkara kalabân sambhâdhân sè laèn sè èyangghep padá otabâ para pada\’a. Opama orèng kembhâr sè para\’ padãâ tor malarat èsarè bhidhâna, esambhât akantha pènang ésèbå\’ duwâ. Manabi parlambhâng paneka aghântè sèttong parkara kalabân parkara sè laèn. Opama parlambhång pramuka engghi panèka tombuna nyèyor. Dhâddhi kèyasan panèka panèka aropa ca-oca\’, manabi parlambhâng aropa bhârâng.

Puisi panèka mènangka angghidhân sastra sè palèng kona. Asabâb konana panèka tantona nombuwâghi cem-macemma puisi. Adhâsar dâri bâkto angghidhânna, puisi panèka bâdâ sè kona bâdâ jhugâ sè modèren. Puisi kona biyâsana ghi apandhuman ka bânnya\’na bhâris, ghuru sowara, sareng paddhâ andhegghân. Manabi puisi modèren ampon ta\’ apandhuman polè ka bânnya\’na bhâris, ghuru sowara, sareng paddhâ andhegghân.

  Cara Menggunakan Tingkatan Bahasa Madura

Adhâsar jhâjhârba\’an è attas, puisi èngghi panèka pamangghi, pėkkèran, sareng sowarana atè sè èpakalowar lèbât ris-bhâris otabâ lèbât paddhå andhegghân tor èsoson ngangguy okara sè saè. Ca\’-oca\’ sè bâdâ è bhan- sabbhân bhâris aropa\’aghi ca\’-oca\’ pèlèyan sè aghândhu\’ artè sè bânnya\’ tor aghândhu\’ bâburughân beccè\’. È bâbâ panėka contona puisi modèrn. Eyatorè bâca patètè !

  Soal dan Kunci Jawaban UKK PAT Kelas 7 Semester 2 SMP/MTs

E SÈTTONG ARE E SETTONG MOSÈM

Angghidhân Abdul Gani

È sèttong arè è sèttong mosèm
Sèngko\’ so bâ\’na padâ makompol kembhâng
Sambi nyarè bâlâng è ghâr-paghâr otabâ è bhun-kebbhun

È sèttong arè è sèttong mosèm
Lèbât nyarèkembhâng
Lèbât nyarè bâlâng è ghâr-paghâr
Tang tarèsna èbâghi ka bâ\’na

Ebhârengngè monyèna poter
Ca-oca kalowar ta\’ kennèng tambhâ\’

Ba\’na coma neng-enneng
Kajuwân neng-enneng
Kebbhun bân kembhâng neng-enneng
Coma songay sè ngaracak
Ngancaè tang atè sè ngaracak.

Satèya ropana ta\’ bisa ngantos
Kajuwân èpogher kebbhun èjhuwâl
Poter ta\’ ngennèng amonyè
Pa\’anabhân aobâ dhâddhi bengko
Tapè bâ\’na pagghun neng-enneng.

Tinggalkan Balasan

Alamat email Anda tidak akan dipublikasikan.